«15 տարի առաջ Ձեր ասածի համար զուգարանում զխկելով կսպանեին»․ ՏԵՍԱՆՅՈՒԹ
Շենգավիթում վարչապետ Նիկոլ Փաշինյանի հետ հանդիպման ընթացքում քաղաքացին նրան դիմեց քննադատական խոսքերով՝ նշելով, որ ժամանակին աջակցել է 2018-ի իշխանափոխությանը, սակայն այժմ նույն կերպ պահանջում է նրա հեռանալը։ Քաղաքացին Փաշինյանին մեղադրեց Արցախի կորստի և հազարավոր զոհերի համար պատասխանատվություն կրելու մեջ։
5000 զոհի մասին հնչած հայտարարությունը վարչապետի դժգոհությունն առաջացրեց։ Փաշինյանն արձագանքեց, որ այդ թիվը շրջանառվում է «ստահակների բառապաշարով» և ընդգծեց, որ պատերազմի զոհաբերությունների արդյունքում է Հայաստանը պահպանել պետականությունն ու անկախությունը։
Վարչապետը նաև նշեց, որ այսօր քաղաքացին կարողանում է ազատորեն նման քննադատություն հնչեցնել հենց այն պատճառով, որ երկրում կա ժողովրդավարություն և խոսքի ազատություն։
«Դուք եկել եք վարչապետի դիմաց կանգնել եք, այդ ամենն ասում եք։ Դա նշանակում է, որ մենք պետություն ունենք, անկախություն ունենք, ժողովրդավարություն ունենք, որովհետև եթե 15 տարի առաջ ասեիք, հիմա զուգարանում Ձեզ զխկելով սպանում էին, այ հենց հիմա»,- ասաց Փաշինյանը։