Պուտինը հայտարարել է, որ չի տեսնում որևէ խնդիր, որը կարող է խանգարել Հայաստանի և Ադրբեջանի միջև խաղաղության պայմանագրի կնքմանը ՝ Լեռնային Ղարաբաղում տեղի ունեցած իրադարձություններից հետո։
«Մենք պատրաստ ենք աջակցել խաղաղ բանակցությունների վերսկսմանը ՝ խաղաղության համաձայնագրի կնքման հույսով, առաջարկել ենք բոլոր գործընկերներին հավաքվել Մոսկվայում»,- «Արմենպրես»-ի հաղորդմամբ՝ հայտարարել Է Պուտինը Բիշքեկում կայացած մամուլի ասուլիսի ժամանակ:
ՌԴ նախագահի խոսքով՝ զուտ տեխնիկական բնույթի հարցեր կան ՝ կապված սահմանազատման և սահմանագծման հետ։ «Մի ուղղությամբ 100 մ, մեկ այլ ուղղությամբ՝ մեկ կիլոմետր, դա արդեն կարևոր չէ։ Երկու կողմերի բարի կամքի դեպքում այս ամենը կարելի է անել», ասել է Պուտինը։
Նա նկատի ունի ՀՀ տարածք Բաքվի ներխուժումների շրջանները եւ այսպես կոչված անկլավները, դրանք բնականաբար Բաքվին հանձնելով։ Պուտինն ավելի վաղ էլ խոսել էր ՀՀ տարածքի կամայական «սահմանազատման» մասին՝ տեղ-տեղ կարելի է կտրել, տեղ-տեղ հավասարեցնել։ Նկատենք՝ Մոսկվան երբեք չի պնդել 1991-ի Ալմա Աթայի հռչակագրի եւ ԽՍՀՄ վարչական սահմանների պահպանման հարցերում։