Միջին միջանցքի երկայնքով մաքսային ընթացակարգերը պարզեցվում են. Ալիև
Ադրբեջանի նախագահ Իլհամ Ալիևը հայտարարել է, որ ներկայում կառուցվող «Զանգեզուրի միջանցքը» նախատեսվում է դարձնել Միջին միջանցքի կարևոր բաղադրիչներից մեկը։ Այդ մասին նա խոսել է Թյուրքական պետությունների կազմակերպության անդամ երկրների ղեկավարների ոչ պաշտոնական գագաթնաժողովում ունեցած ելույթի ընթացքում, փոխանցում են ադրբեջանական լրատվամիջոցները։
Ալիևի խոսքով՝ տրանսպորտային ոլորտում թյուրքական պետությունների միջև համագործակցությունն աստիճանաբար ընդլայնվում է, իսկ ներկայիս աշխարհաքաղաքական իրավիճակում Միջին միջանցքի դերը շարունակում է աճել։
Նա նաև նշել է, որ Միջին միջանցքի շրջանակում պարզեցվում են մաքսային ընթացակարգերը։
Ըստ Ադրբեջանի նախագահի՝ Թյուրքական պետությունների կազմակերպության շրջանակում մշակված e-Permit համակարգը հնարավորություն է տալիս արագ և արդյունավետ կերպով տրամադրել էլեկտրոնային թույլտվություններ։
