Իսրայելական 50 կործանիչներ կիրակի գիշերը հարձակվել են Թեհրանում իրանական միջուկային ծրագրի օբյեկտների վրա։
Այս մասին հայտնում է իսրայելական բանակի մամուլի ծառայությունը։
«Ռազմաօդային ուժերի 50 կործանիչներ ամբողջ գիշեր թռչել են Թեհրանի երկնքում և գրոհել են իրանական միջուկային նախագծի ենթակառուցվածքները և օբյեկտները», – ասվում է հաղորդագրության մեջ:
«Հարձակումը տեղի է ունեցել ավելի քան 80 թիրախների վրա, այդ թվում՝ Իրանի պաշտպանության նախարարության շտաբի, միջուկային ծրագրի շտաբի և այլ օբյեկտների, որտեղ իրանական ռեժիմը թաքցրել է միջուկային արխիվը»,- ասվում է հայտարարության մեջ։
Մամուլի ծառայությունը նշել է, որ «Իսրայելի պաշտպանության ուժերը երեք օրից էլ քիչ ժամանակում հարձակվել են Իրանում ավելի քան 170 թիրախների և ավելի քան 720 ռազմական ենթակառուցվածքի օբյեկտների վրա»։ Իսրայելի պաշտպանության բանակը «շարունակում է ուժեղացնել հարձակումները իրանական միջուկային սպառնալիքի դեմ՝ վնասելով դրա միջուկը և զրկելով նրան զենքի արտադրության համար կարևոր կարողություններից և բաղադրիչներից», – հավելել են զինվորականները:
https://tert.am/am/news/2025/06/15/iran-israel-conflict-war/4234238
No Comment! Be the first one.