Գիշերային հզոր պայթյուններ ՌԴ-ում․ ԱԹՍ-ները հարձակվել են նավթավերամշակման գործարանի վրա

Նոյեմբերի 3-ի գիշերը ուկրաինական անօդաչու թռչող սարքերը հարձակվել են Յարոսլավլի նավթավերամշակման գործարանի վրա, որը Ռուսաստանի խոշորագույն նավթավերամշակման գործարաններից մեկն է։

Հարձակման հետևանքով նավթավերամշակման գործարանում հրդեհ է բռնկվել, հաղորդում են տելեգրամյան ալիքները։ Գործարանը վառելիք է մատակարարում նաև ռուսական ռազմական ավիացիային և զինտեխնիկային։

Պայթյուններից առաջ Յարոսլավլի մարզում վտանգի մասին նախազգուշացում էր հայտարարվել։ Այնուհետև տեղի բնակիչները սկսել են հայտնել ուժգին պայթյունների և նավթավերամշակման գործարանում բռնկված հրդեհի մասին։