Իրանի մի շարք քաղաքացիներ Ադրբեջանում անցանկալի անձ են հայտարարվել

Ադրբեջանն Իրանի 14 քաղաքացու հայտարարել է անցանկալի անձ  և արգելել նրանց մուտքը երկիր, հայտնում է Vesti.az-ը։

Ցուցակում ընդգրկվել են Իրանի խորհրդարանի գործող և նախկին պատգամավորներ, երկու այաթոլլա, Keyhan թերթի գլխավոր խմբագիր Հոսեյն Շարիաթմադարին, կրոնական կազմակերպությունների ներկայացուցիչներ, քաղաքական փորձագետներ և հեռուստահաղորդավար։

Ինչպես հաղորդվում է, որոշումն ընդունվել է «Ադրբեջանի, նրա ղեկավարության և պետական կարգի դեմ ուղղված վիրավորական հայտարարությունների, մեղադրանքների ու կոչերի» հաճախացման ֆոնին։ Ադրբեջանական իշխանությունները նրանց մեղադրում են «կրոնական արմատականության քարոզչության, թշնամանք հրահրելու, Ադրբեջանի ինքնիշխանության դեմ ելույթների և իշխանության բռնի փոփոխության կոչերի» մեջ։

Ադրբեջանի «սև ցուցակում» հայտնված անձինք․

1. Էհսան Մովահեդիան՝ քաղաքական վերլուծաբան, փորձագետ, Թեհրանի Ալամե Թաբաթաբայիի անվան համալսարանի դասախոս։
2. Ահմեդ Ֆարշբաֆիան՝ Թավրիզի համալսարանին կից Կովկասի և Անատոլիայի հետազոտությունների կենտրոնի նախկին ղեկավար։
3. Քամրան Ղազանֆարի՝ Իրանի Իսլամական խորհրդի մեջլիսի պատգամավոր։
4. Ալիռեզա Բեյգի՝ Մեջլիսի նախկին պատգամավոր, քաղաքական մեկնաբան։
5. Աբուլֆազլ Զոհրևանդ՝ Մեջլիսի պատգամավոր։
6. Աբբաս Մողթադայի Խորասանի՝ Մեջլիսի պատգամավոր։
7. Ալիռեզա Սալիմի՝ Մեջլիսի պատգամավոր։
8. Հոսեյն Շարիաթմադարի՝ «Keyhan» թերթի գլխավոր խմբագիր։
9. Այաթոլլա Մոհսեն Արաքի՝ Փորձագետների խորհրդի և Ընդունվող որոշումների նպատակահարմարությունը որոշող խորհրդի անդամ։
10. Այաթոլլա Մոհամմադ Ջավադ Ֆազել Լենքորանի՝ Ղոմ քաղաքի «Աիմմեի Աթհար» իսլամական իրավունքի կենտրոնի ղեկավար։
11. Աբդոլհոսեյն Խոսրոուփանահ՝ Իրանի Մշակութային հեղափոխության բարձրագույն խորհրդի քարտուղար։
12. Հոջաթ օլ իսլամ Ղոլամռեզա Քավաշի՝ Թավրիզի ուրբաթօրյա իմամի գրասենյակի և Իրանի գերագույն առաջնորդի ներկայացուցչության հասարակայնության հետ կապերի պատասխանատու։
13. Դարիուշ Սաֆարնեժադ՝ պրոֆեսոր, քաղաքական փորձագետ։
14. Ահմադռեզա Մուսավի՝ դերասան և հեռուստահաղորդավար։