Ադրբեջանի նախագահը պնդում է՝ «այսպես կոչված ռեժիմն է խուճապ առաջացրել Ղարաբաղի տեղի բնակչության շրջանում և ստիպել նրանց տեղափոխվել Հայաստան»։ Այս մասին Իլհամ Ալիևը հայտարարել է ԱՀԿ-ի Եվրոպայի տարածաշրջանային տնօրեն Հանս Հենրի Կլուգեի հետ Բաքվում կայացած հանդիպմանը։
Պաշտոնական հաղորդագրության համաձայն՝ զրուցակիցները խոսել են նաև Լեռնային Ղարաբաղում տիրող իրավիճակից։
Իլհամ Ալիևի խոսքերով՝ «ներկայումս Ադրբեջանի բժշկական անձնակազմը ծառայություններ է մատուցում Խանքենդիի տեղի բնակչությանը», «առօրյա կարիքները հոգալու և սնունդ տրամադրելու համար տեղում ծառայություններ են մատուցում համապատասխան հաստատությունները»։
«Երկրի ղեկավարը հայտարարել է, որ կարևոր ենթակառուցվածքային օբյեկտները, ինչպես նաև պատմական, կրոնական և մշակութային հուշարձանները պահպանվում են ոստիկանության կողմից, իրականացվում է էլեկտրամատակարարում։ Նախագահ Իլհամ Ալիևն ընդգծել է, որ այս ամենը Ղարաբաղի հայ բնակիչների վերաինտեգրման ծրագրի պատրաստակամության և իրականացման ցուցիչ է», — ասվում է Ադրբեջանի նախագահականի հաղորդագրությունում։
https://www.azatutyun.am/a/32626145.html
