«Մեկը Լևոնին էր պատկերացնում իր կпղքին, մյուսը՝ ավելի սիրուն шղջիկ, քան ես». Էվելինա Ստեփանյան

«Մեր՝ միասին լինելը դեռ ուսանողական տարիներից է սկսվել… Երբ իրեն տեսնում էի՝ հալվում էի, ինքը պատշաճ աղջկա կերպար է եղել ինձ համար»,- LIFEROOM-ի եթերում ասել է «Վերջին զանգը» սերիալից հայտնի դարձած դերասան Լևոն Մկրտչյանը։ Դերասանի անձնական կյանքն առավել բուռն քննարկվեց, երբ համացանցում հայտնվեցին նրա և սիրելիի՝ Էվելինա Ստեփանյանի համատեղ լուսանկարները։

«Երբ ձեր լուսանկարները հայտնվեցին համացանցում, շնորհավորելու փոխարեն սկսեցին էնպիսի բաներ գրել, որ ապշել կարելի է: Ինչպե՞ս կարելի է նայել երկու՝ իրար սիրող մարդու ու երջանկություն մաղթելու փոխարեն բացասական բաներ գրել: Ինչպե՞ս հաղթահարեցիք դա»,- դիմելով նրանց՝ հարցրեց հաղորդավարուհին: «Իրականում, ես իրեն չեմ թողնում կարդա էդ քոմենթները, որովհետև իմաստ չեմ գտնում, էական չեն»,- ասաց Լևոնը: «Լևոնը շատ հմայիչ տղամարդ է, բնական է, որ իրեն պիտի սիրահարվեն, սա հասկանում եմ ու հասկանում եմ նաև մարդկանց կտրուկ վերաբերմունքն իմ անձի շուրջ, որովհետև որևէ մեկը Լևոնին էր պատկերացնում իր կողքին, որևէ մեկը մտածում էր, որ եթե ինքը չէ, գոնե ուրիշ աղջիկ՝ գուցե բաց մազերով, գուցե ավելի սիրուն, քան ես եմ: Բայց գալիս է Էվան՝ տարօրինակ աչքերով աղջիկ: Բնականաբար, եթե ես գալիս եմ իրենց համոզմունքներին դեմ, դա պետք է շարժի իրենց զայրույթը ու տրամաբանական է իրենց պատասխանն ինձ»,- մեկնաբանել է Էվելինան: