Ուժեղ երկրաշшրժը խnւճшպ է առաջացրել Բանգկոկում, Թաիլшնդի օդանшվակայանները դադшրեցրել են աշխшտանքը (տեսանյութեր)
Հարավարևելյան Ասիայում տեղի ունեցած հզոր երկրաշարժը, որի էպիկենտրոնը գտնվում էր Մյանմարում, հատկապես ուժեղ ցնցումներով արտահայտվել է Թաիլանդի մայրաքաղաք Բանգկոկում, հայտնում է Bild-ը։
Երկրաշարժի ժամանակ քաղաքում խուճապ է տիրել՝ մարդիկ դուրս են վազել փողոց։ Բանգկոկի կենտրոնում գտնվող Սիլոմ բիզնես թաղամասում հազարավոր մարդիկ լքել են շենքերը։
«Մարդիկ խուճապահար բղավելով դուրս էին վազում գրասենյակներից», – հաղորդում են տեղական լրատվամիջոցները:
Տեսախցիկները ֆիքսել են առնվազն մեկ երկնաքերի փլուզում:
Անմիջապես դեպքի վայր ժամանած փրկարարները կոչ են արել բնակիչներին մնալ բաց երկնքի տակ։ Հիվանդները տարհանվել են հիվանդանոցներից և տեղավորվել փողոցներ՝ շենքերից հեռու: Առայժմ զոհերի մասին տեղեկություններ չկան։
Հիշեցնենք, որ Մյանմարում 7,7 և 6,4 մագնիտուդ ուժգնությամբ երկու անընդմեջ ցնցումներ են գրանցվել: Դրանք զգացվել են նաև Բանգլադեշում, Հնդկաստանում, Թաիլանդում, Լաոսում և Չինաստանում:
Տեսանյութերը կարող եք դիտել Tert.am-ի թելեգրամյան ալիքում:
No Comment! Be the first one.