Իրանի գերագույն առաջնորդ այաթոլլա Սեյեդ Մոջթաբա Խամենեին հայտարարել է, որ օտարերկրյա ուժերը շուտով կլքեն Արաբական ծովը։ Նրա խոսքերը մեջբերում է Tasnim-ը։
Ելույթ ունենալով «Սուրբ պաշտպանության» շաբաթվա առթիվ՝ Խամենեին նշել է ԱՄՆ-ի և այլ օտարերկրյա ուժերի գործունեությունը Իրանից հարավ գտնվող ծովերում։
Նրա խոսքով՝ նախկինում այդ ջրերը «թշնամական ուժերի խաղահրապարակն էին»։ Սակայն Հորմուզի նեղուցը պաշտպանող ուժերի հարվածներից հետո օտարերկրյա ռազմածովային ուժերը չեն համարձակվում առաջանալ Արաբական ծովից այն կողմ։
«Ամեն անգամ, երբ նրանք գնում էին նման ռիսկի, իրենք էին վնաս կրում։ Շուտով կգա օրը, երբ Արաբական ծովը նույնպես կմաքրվի նրանցից», — հայտարարել է Իրանի գերագույն առաջնորդը։