Փրկարարները գտել են 8-ամյա տղային, ով ընկերոջը փրկելու համար նետվել էր գետը
Ինգուշեթիայում ավարտվել են 8-ամյա Խիզիր Դերբիչևի որոնողական աշխատանքները։ Որոնողական-փրկարարական ջոկատների հաղորդմամբ՝ Սունժա գետում իրականացված որոնումների ընթացքում հայտնաբերվել է տղայի մարմինը։
Տեղական լրատվամիջոցների փոխանցմամբ՝ դեպքը տեղի է ունեցել հունիսի 15-ին, երբ փոքրիկ տղան փորձել է օգնել գետի հոսանքում հայտնված իր ընկերոջը և նետվել է ջուրը։ Սակայն ուժեղ հոսանքի պատճառով երեխան չի կարողացել դուրս գալ գետից և անհետացել է։
Դեպքից անմիջապես հետո սկսվել են լայնածավալ որոնողական աշխատանքներ։ Գետի ափերը և ջրային հատվածները զննել են փրկարարական ծառայությունները, կամավորները և տեղացիները՝ ներգրավելով նաև այլ տարածաշրջաններից ժամանած մասնագետների։
Մի քանի օր շարունակված որոնումների արդյունքում, ցավոք, երեխայի մարմինը հայտնաբերվել է։ Պաշտոնական մարմինները հաստատել են նրա մահը և տեղեկացրել, որ որոնողական գործողությունները դադարեցվել են։
Դեպքի հանգամանքները շարունակում են ուսումնասիրվել իրավապահ մարմինների կողմից։