Mediatime.am-ը՝ հղում անելով Mirkrasoty.life-ին, հայտնում է, որ վահանաձև գեղձի առողջությունից կախված են օրգանիզմում տեղի ունեցող բազմաթիվ կարևոր գործընթացներ։ Այդ պատճառով մասնագետները խորհուրդ են տալիս ուշադրություն դարձնել սննդակարգին և օգտագործել վահանաձև գեղձի համար օգտակար մթերքներ։
Առավել օգտակար մթերքներից է ծովային կաղամբը, որը հարուստ է յոդով և այլ կարևոր նյութերով։ Այն համարվում է վահանաձև գեղձի հիվանդությունների կանխարգելման արդյունավետ միջոցներից մեկը։ Յոդի մեծ պարունակությամբ օգտակար մթերք է նաև արմավը, որը նպաստում է վահանաձև գեղձի բնականոն աշխատանքին։
Հապալասը բնական հակաօքսիդանտ է, որը կարող է օգնել կարգավորել վահանաձև գեղձի աշխատանքը և կանխել հորմոնալ անհավասարակշռությունը։ Յուղոտ ձկները, հատկապես Սաղմոնը, հարուստ են օմեգա-3 և օմեգա-6 ճարպաթթուներով, որոնք բարենպաստ ազդեցություն են ունենում վահանաձև գեղձի աշխատանքի վրա։ Մասնագետները խորհուրդ են տալիս շաբաթական առնվազն 2–3 անգամ օգտագործել խաշած կամ խորոված յուղոտ ձուկ։
Բացի այդ, օգտակար է ընկույզից, մեղրից և կիտրոնից պատրաստված խառնուրդը, որը նպաստում է ոչ միայն էնդոկրին, այլև իմունային համակարգի ամրապնդմանը։ Ամեն օր 2–3 անգամ մեկ թեյի գդալ օգտագործելու դեպքում այն կարող է աջակցել վահանաձև գեղձի ակտիվ աշխատանքին։