Երեխաները խաղացել են կրա կայրիչով և հ րկիզել ողջ տունը

Կիրովի մարզում վեցամյա տղայի և նրա կրտսեր քրոջ խաղը կրակմարիչով քիչ է մնացել ավարտվի ողբերգությամբ։ Այս մասին հայտնում են ՌԴ ԱԻՆ մարզային գլխավոր վարչության մամուլի ծառայությունից։ Միջադեպը տեղի է ունեցել Շաբալինսկի շրջանի Նովոտրոիցկոե գյուղում։ Երեխաների տատիկը տանը քնացնելիս է եղել կրտսեր թոռնիկին։ Այդ ժամանակ ավագներ երեխաներն իրենց հոր կրակայրիչը վերցրել են ու խաղացել խոտի դեզի մոտ։ Դեզի կողքին եղել է դյուրավառ հեղուկի տարա։

«Խաղով տարված՝ երեխաները պատահաբար թափել են տարան։ Վառելիքը դուրս է թափվել ու բռնկվել, կրակն ակնթարթորեն տարածվել է»,- ասել է վարչության ներկայացուցիչը։ Երեխաներին հաջողվել է փախչել տնից անվտանգ հեռավորության վրա։ Տատիկն ու նրա կրտսեր թոռը նույնպես հասցրել են լքել տունը։ «Արդյունքում ամբողջությամբ այրվել են տունն ու տնտեսական շինությունները։ Հրշեջ-փրկարարները թույլ չեն տվել, որ կրակը տարածվի հարակից շենքերի վրա»,- պարզաբանել են ԱԻՆ-ից։ Թե որտեղ են այժմ բնակվելու հրդեհից տուժածները, կորոշի տեղական վարչակազմը:

Источник: https://ipress.am/hy/page/%D5%A5%D6%80%D5%A5%D5%AD%D5%A1%D5%B6%D5%A5%D6%80%D5%A8-%D5%AD%D5%A1%D5%B2%D5%A1%D6%81%D5%A5%D5%AC-%D5%A5%D5%B6-%D5%AF%D6%80%D5%A1%D5%AF%D5%A1%D5%B5%D6%80%D5%AB%D5%B9%D5%B8%D5%BE-%D6%87-%D5%B0%D6%80%D5%AF%D5%AB%D5%A6%D5%A5%D5%AC-%D5%B8%D5%B2%D5%BB-%D5%BF%D5%B8%D6%82%D5%B6%D5%A8?fbclid=IwY2xjawFYihtleHRuA2FlbQIxMQABHQzKAPeeOnd4kAgCWibynbjWNYAw2AJn9p1kR-z-KP7pPyWE-82ZiUWr1w_aem_XQH-2KLFelBAWzHc_AiqQA