Մայիսի 18-ին Երևանում ընթացող նախընտրական քարոզարշավի ժամանակ արձակուրդում գտնվող Հայաստանի վարչապետ Նիկոլ Փաշինյանին, ով գլխավորում է երկրում այժմ իշխող «Քաղաքացիական պայմանագիր» կուսակցության պատգամավորության թեկնածուների համամասնական ցուցակը, մոտեցել է մի կին և մեղադրել նրան 5000 զոհերի պատճառ դառնալու մեջ։
Փաշինյանին դուր չի եկել այս մեղադրանքը, և նա սկսել է հարցնել, թե որտեղից կնոջը այդ թիվը։
«Թիվը հրապարակված է։ Դուք ստում եք։ Այն ամենը, ինչ կապված է ձեր կուսակցության հետ (ի նկատի ունի Հայաստանի Հանրապետական կուսակցությունը – խմբ.), կեղծիք է։ Խոսելով 5000 զոհերի մասին՝ դուք դառնում եք կեղծիքի մասնակից։ Խնդրում եմ չմասնակցել դրան»,- նշել է նա։ Փաշինյանին նաև հիշեցրել են, որ նա նախկինում ասում էր՝ «Արցախը Հայաստան է, և վե՛րջ», իսկ հիմա ասում է՝ «Արցախը Ադրբեջան է, և վե՛րջ»։
Կինը հավելել է, որ նա պատասխան է տալու իր գործողությունների համար։ Փաշինյանն արձագանքել է, որ ինքն արդեն բացատրություններ է տվել դրա համար՝ կոչ անելով կնոջն իր վերաբերմունքն արտահայտել քվեարկության օրը։
