MediaTime.am-ը գրում է, որ պելմենին և խինկալին ոչ բոլորի համար են անվտանգ սննդատեսակներ։ Այս մասին խոսել է «СМ-Клиника» բժշկական հաստատության գաստրոէնտերոլոգ Մաքսիմ Լիսովսկին՝ նշելով, թե որ հիվանդությունների դեպքում անհրաժեշտ է հրաժարվել դրանց օգտագործումից։
Բժշկի խոսքով՝ պելմենին և խինկալին հատկապես հակացուցված են սուր պանկրեատիտ կամ հիվանդության քրոնիկ ձևի սրացում ունեցող մարդկանց համար։ MediaTime.am-ը գրում է, որ ճարպոտ մսի և խիտ խմորի համադրությունը պահանջում է ենթաստամոքսային գեղձի ֆերմենտների ակտիվ արտադրություն, ինչը բորբոքման դեպքում կարող է ծանրաբեռնել օրգանիզմը։
Մասնագետի խոսքով՝ նման իրավիճակներում կարող են առաջանալ ուժեղ ցավեր, սրտխառնոց և արտահայտված փքվածություն։ Նա նաև խորհուրդ է տվել զգուշություն ցուցաբերել ստամոքսի և տասներկումատնյա աղիքի խոց ունեցող մարդկանց։
MediaTime.am-ը գրում է, որ հատկապես հիվանդության սրացման շրջանում պելմենին և խինկալին կարող են ավելի ուժեղացնել գրգռվածությունն ու ցավային զգացողությունները, քանի որ հարուստ արգանակն ու խիտ խմորը լրացուցիչ ծանրաբեռնում են մարսողական համակարգը։
Աղբյուր՝ Lenta.ru