Թուրքիայի տարածքում գտնվող Բինգյոլ (Բյուրակն) նահանգում երկու տարեկան աղջիկը կծել է իր վրա հարձակված օձին։ Այս մասին հայտնում է YeniSafak հրատարակությունը։ Հրատարակության տվյալներով՝ օգոստոսի 10-ին աղջիկը այգում խաղալիս է եղել, երբ օձը հարձակվել է նրա վրա։
Հարևանները, որոնք, լսելով երեխայի լացը, վազելով եկել են, տեսել են, որ աղջկա բերանում մոտ 50 սանտիմետր երկարությամբ սողուն կա։ Նրանք աղջկա ձեռքից վերցրել են օձին ու սպանել նրան, որից հետո շտապօգնություն են կանչել երեխայի համար։ Նա տեղափոխվել է հիվանդանոց, նրա վիճակը գնահատվել է բավարար։ Բժիշկները վստահեցրել են, որ աղջկա կյանքին վտանգ չի սպառնում։
