Ֆրանսիայում հաստատվել է հանտավիրուսով վարակման առաջին դեպքը
Ֆրանսիայի պատգամավոր և առողջապահական հարցերով մասնագետ Ստեֆանի Ռիստը հայտարարել է, որ Ֆրանսիայում պաշտոնապես արձանագրվել է հանտավիրուսով վարակման առաջին դեպքը։
Նրա խոսքով՝ հիվանդանոց տեղափոխված կնոջ անալիզների արդյունքները հաստատել են վարակը, և այժմ նա բուժում է ստանում բժիշկների հսկողության ներքո։
Ֆրանսիայի առողջապահական ծառայությունները նաև հայտնաբերել են 22 մարդու, որոնք շփում են ունեցել վարակված անձի հետ։ Մասնագետները վերահսկում են նրանց առողջական վիճակը՝ վիրուսի հնարավոր տարածումը կանխելու նպատակով։
Հանտավիրուսի թեման միջազգային ուշադրության կենտրոնում հայտնվեց նաև այն բանից հետո, երբ մայիսի սկզբին MV Hondius զբոսաշրջային նավում գրանցվել էր վարակի բռնկում, որի հետևանքով մահացել էր երեք մարդ։
Նշվում էր, որ հանրության համար ընդհանուր վտանգը դեռևս ցածր է, սակայն իրավիճակը պահանջում է միջազգային վերահսկողություն և զգոնություն։
Աղբյուր՝ Reuters