ՀՀ արտաքին գործերի նախարար Արարատ Միրզոյանը մեկնաբանել է ՌԴ նախագահի հայտարարությունը Հայաստանի՝ ԵԱՏՄ-ում մնալու կամ ԵՄ գնալու ընտրության վերաբերյալ։
Արտաքին գործերի նախարար Արարատ Միրզոյանը, պատասխանելով NEWS.am-ի թղթակցի հարցին, անդրադարձել է Ռուսաստանի նախագահ Վլադիմիր Պուտինի կոշտ հայտարարություններին։ ՌԴ նախագահը նշել էր, որ Հայաստանը պետք է կողմնորոշվի՝ մնալ ԵԱՏՄ-ում, թե՞ քաղաքակիրթ ձևով «ապահարզան» պահանջել և շարժվել դեպի Եվրոպական միություն։ Միրզոյանը նշել է, որ նախընտրական քարոզարշավի պատճառով ոչ բոլոր հայտարարություններին են հասցնում հետևել, սակայն հավելել է. «Բայց կոնկրետ այդ դրվագը, որ նշեցիք, մենք էլ ենք միշտ ասել՝ երբ գա պահը, որ Հայաստանը պետք է ընտրություն կատարի ԵԱՏՄ–ի և ԵՄ–ի միջև, հասկանալիորեն կկատարենք»։
Նախարարի խոսքով՝ այդտեղ որևէ նորություն չկա, և ներկայում Հայաստանը շարունակում է իր գործունեությունը որպես ԵԱՏՄ անդամ։ Նա միաժամանակ շեշտել է, որ գաղտնիք չէ ՀՀ ժողովրդի եվրոպական հավակնությունների առկայությունը։ «Երբ որոշելու պահը գա, կորոշենք»,– եզրափակել է Միրզոյանը