Որպես կանոն ընտրական գործընթացների ընթացքում ընտրակաշառքը քրեական հանցագործություն է։ Սակայն շատերը չգիտեն, որ ՀՀ քրեական օրենսգիրքը սահմանում է խիստ պատիժներ ընտրակաշառք տալու համար։
Ինչպես տեղեկացնում է Iravaban.net–ը, ՀՀ քրեական օրենսգրքի 219-րդ հոդվածը սահմանում է ընտրակաշառք տալու համար պատասխանատվությունը։
Ի՞նչ է համարվում ընտրակաշառք տալ
Օրենսգրքի համաձայն՝ ընտրակաշառք տալ է համարվում հանրաքվեին կամ ընտրությանը մասնակցելու, հանրաքվեին կամ ընտրությանը որևէ ձևով քվեարկելու, քվեաթերթիկն անվավեր դարձնելու կամ հանրաքվեին կամ ընտրությանը մասնակցելուց հրաժարվելու պայմանով ընտրողին անձամբ կամ միջնորդի միջոցով ընտրակաշառք՝ գույք, ներառյալ դրամական միջոց, արժեթուղթ, վճարային այլ գործիք, գույքի նկատմամբ իրավունք, ծառայություն կամ որևէ այլ առավելություն առաջարկելը, խոստանալը կամ տալը։
Պատիժը առանձին անձի համար
Օրենսգրքի համաձայն՝ ընտրակաշառք տալը պատժվում է ազատազրկմամբ՝ երեքից վեց տարի ժամկետով։
Պատիժը մի խումբ անձանց համար
Օրենսգրքի համաձայն՝ ընտրակաշառք տալը, որը կատարվել է մի խումբ անձանց կողմից նախնական համաձայնությամբ՝ պատժվում է ազատազրկմամբ՝ չորսից ութ տարի ժամկետով։
Ուշադրություն. հունիսի 7-ին ՀՀ-ում տեղի են ունենալու խորհրդարանական ընտրություններ։ Ընտրակաշառք տալը քրեական հանցագործություն է և պատժվում է խիստ՝ մինչև 8 տարի ազատազրկում:
No Comment! Be the first one.