Սյունիքի մարզում այսօր տեղի ունեցած ողբերգական ավտովթարի հետևանքով մահացած 3 երիտասարդ տղաները Սիսիանից էին։
NEWS.am-ի տեղեկություններով ողբերգական դեպքը տեղի է ունեցել Գորիսից վերադառնալիս։
«Չորս ընկերներով վարորդական իրավունքի վկայականի քննության համար գնացել էին Գորիս։ Վերադառնալիս Հին Նորավանի ճանապարհին է ողբերգական դեպքը տեղի ունեցել, մեքենան գլորվել է ձորը։ Տղաներից 21-ամյա Տիգրանը՝ վարորդը, աչքի և ձեռքի շրջանում վնասվածք է ստացել, տեղափոխել են Երևանի բուժասատություններից մեկը։ Իսկ 22-ամյա Լևոնը, 22-ամյա Արմենակն ու 22-ամյա Հայկը տեղում մահացել են։ Հայկի հայրն էլ տարիներ առաջ էր մահացել»,- մեզ հետ զրույցում նշեց Սիսիանի բնակիչներից մեկը։
Ավելի վաղ հայտնել էինք, որ այսօր ժամը 16։00-ի սահմաններում ողբերգական ավտովթար է տեղի ունեցել Սյունիքի մարզում։ «Opel Astra» մակնիշի ավտոմեքենան դուրս է եկել ճանապարհի երթևեկելի գոտուց և մոտ 100 մետր գլորվելով, քարերին բախվելով հայտնվել ձորում, ինչի հետևանքով 3 հոգի մահացել է, մեկը՝ վիրավորվել։
https://www.facebook.com/share/186oniCpnw/
