Իրավիճակն այս պահին Երևանում․ մեքենաները ջրի տակ են անցնում

Երևանում տեղումները շարունակվում են, քիչ առաջ նաև կարկուտ է տեղացել։ Iravaban.net-ը Երևանի մի քանի հատվածներում ֆիքսել է կիսով չափ ջրի տակ անցած մեքենաներ։ Կարկուտը առավել ակնառու է Արաբկիր վարչական շրջանում մեր նկարահանած կադրերում։

Մայրաքաղաքում օրեր շարունակ տեղացող հորդառատ անձրևները փողոցներում առաջացրել են անձրևաջրերի կուտակումներ:

Քաղաքապետարանից հայտնել են, թե տարիների ընթացքում սակավացող գրունտային հողերի արդյունքում է առաջացել անձրևաջրերի կուտակումների խնդիրը:

Երևանում կան փողոցներ, որոնք չունեն հեղեղատար համակարգեր: Այժմ դրանց կառուցման ուղղությամբ տարվում են փուլային աշխատանքներ:

Երևանի Նոր Արեշ թաղամասի 50-րդ փողոցի մոտակայքում տներ ու փողոցներ են հեղեղվել Ողջաբերդ գետի հենապատի փլուզման արդյունքում: Դեպքի հանգամանքները դեռևս պարզված չեն: Փրկարարները քաղաքապետարանի տրամադրած հատուկ տեխնիկայի օգնությամբ իրականացնում են ջրանցքի հունի մաքրման աշխատանքներ։

  1. Իրավաբան.net
104 Views
Կիսվիր ընկերների հետ
Ավելացնել մեկնաբանություն