Այսօր՝ նոյեմբերի 14-ին, արտակարգ դեպք է տեղի ունեցել Շիրակի մարզում։ Ժամը 15:10-ի սահմաններում օպերատիվ տեղեկությունն է ստացել, որ Գյումրու բժշկական կենտրոն է տեղափոխվել մի երեխա։
Ինչպես հայտնում է ֆոտոլրագրող Գագիկ Շամշյանը, տեղում բժիշկները քրեական ոստիկանների հայտնել են, որ երեխան իրենց մոտ է տեղափոխվել ծնողի ուղեկցությամբ, նրան անհրաժեշտ բուժօգնություն են ցուցաբերել, ապա Գյումրու շտապօգնության ավտոմեքենայով երեխային տեղափոխել են Երևանի «Մուրացան» մանկական հիվանդանոց։
Տեղում քրեական ոստիկանները պարզել են, որ երեխան Շիրակի մարզի բնակիչ 2-ամյա տղա է, ով Գյումրու իրենց շենքի 3-րդ հարկի բնակարանի պատուհանագոգից անզգուշաբար վայր է ընկել։
Երեխային Գյումրու շտապօգնության ավտոմեքենայով Երևանի «Մուրացան» հիվանդանոց տեղափոխվելուց հետո, շտապօգնությունը Գյումրի հետ վերադառնալիս Երևանում՝ Սեբաստիա փողոցում, վթարի էր ենթարկվել։
Այսօր երեխայի ծննդյան օրն է։
https://l.facebook.com/l.php?u=https%3A%2F%2Fnews.am%2Farm%2Fnews%2F915373.html%3Ffbclid%3DIwdGRzaAOEV75jbGNrA4RXrWV4dG4DYWVtAjExAHNydGMGYXBwX2lkDDM1MDY4NTUzMTcyOAABHlo1yyvglJxQCEDEP0x4jpanLL9G-6ulwAAwIocVR9DiJzfLd4ijYj9a6hQi_aem_TLMHke98OckDbnFZWjfrhA&h=AT1GEd9e9glXrJd7PvEstG00OOMIdZrh7cvIN9ZlZwm6J5D_9iROtABSZZ1ddxiLcD-sNIyTVTDlho0f08h4L7nOxSA5XiQNDv7PYvUpfbC3vLoTlH7WhggZK9N4f74&s=1
