Երեկ Վանաձորում հրաժեշտ տվեցին վաստակաշատ բժիշկ, Լոռու մարզի գլխավոր հոգեբույժ, Վանաձորի ավագանու երկարամյա անդամ Գայանե Քալանթարյանին: Նա հանկարծամահ է եղել հունիսի 23-ին, այն նույն օրը, երբ ձերբակալեցին Վանաձորի նախկին քաղաքապետ Սամվել Դարբինյանին ու եւս երեք անձի: Վանաձորցիներից մեկը մեզ ասաց, որ սա պատահական չէ, այսպես է մարդկանց վրա ազդում Նիկոլ Փաշինյանի ստեղծած վախի մթնոլորտը: Մյուսներն անլուրջ են համարում այդ տեսակետը՝ շեշտելով, որ Գայանե Քալանթարյանը մոտ 70 տարեկան էր, վաղուց էր հիվանդ եւ «ինֆարկտից չի մահացել»:
Գայանե Քալանթարյանը երկար տարիներ զբաղեցրել է Վանաձորի Հոգենյարդաբանական դիսպանսերի տնօրենի պաշտոնը, եղել է Վանաձորի բոլոր գումարումների ավագանու անդամ, Հանրապետական կուսակցության անդամ է եղել, երկար տարիներ աշխատել է Սամվել Դարբինյանի հետ: Ապա աշխատել է նաեւ Վանաձորի մյուս քաղաքապետերի հետ, որոնք՝ բոլորը, հարգանքով են վերաբերվել նրան: «Դարբինյանն էլ, Մամիկոնն էլ, Ական էլ քաղցր աչքով էին նայում»,- ասում է մեր զրուցակիցը: Գայանե Քալանթարյանը «Մամիկոն Ասլանյան» դաշինքի անդամ էր, բայց այն ավագանիներից էր, որոնք պարտաճանաչ ներկայանում էին նիստերին:
No Comment! Be the first one.