Հավանակшնությունը մեծ է, որ փոքրիկին գпղшցել են․ Մարմարիկում չեն դադшրում փնտրել 2-ամյա Տիգրանին
Oragir.news-ը գրում է․
Կոտայքի մարզի Մարմարիկ գյուղի տարածքում մայիսի 4-ից շարունակվում են երկու տարեկան կորած երեխայի որոնողական աշխատանքները։
Ներկայումս որոնողական աշխատանքներում ներգրավված են մեծ թվով ուժեր՝ ոստիկաններ, փրկարարներ, ջրասուզակներ, ինչպես նաև կիրառվում են դրոններ (անօդաչու թռչող սարքեր)։
Մարդիկ ակտիվորեն միանում են որոնումներին նաև կամավոր կերպով։ Տարբեր քաղաքներից և գյուղերից շատերը գալիս են Մարմարիկ՝ իրենց աջակցությունն ու մասնակցությունը ցուցաբերելու որոնողական աշխատանքներին։
Oragir.News-ն այցելել է Կոտայքի մարզի Մարմարիկ գյուղ՝ տեղում ուսումնասիրելու երկու տարեկան Տիգրանի որոնողական աշխատանքների ընթացքը։
Զրուցել ենք երեխայի ծնողների, հարազատների և համագյուղացիների հետ՝ փորձելով պարզել, թե որ փուլում են այժմ որոնումները, և ինչ վարկածներ են շրջանառվում երեխայի գտնվելու հնարավոր վայրերի վերաբերյալ։
«Գործ անելուց եմ եղել բակում, առաջացել եմ դեպի տուն, կինս հարցրել ա՝ երեխան ուր ա, ասել եմ՝ տուն ա եկել։ Հավանականությունը մեծ ա, որ գողացած կլինեն, ման են գալիս, երեխուց ոչ մի բան չկա, թշնամի չունեմ, մարդ էլ չկա, որ կասկածեմ»,- Oragir.News-ի հետ զրույցում ասաց երեխայի հայրը։
«Ընտանիքը արտակարգ ընտանիք է։ Իմ հարևաներն են, իրանց թոռնիկը էդ իմ թոռնիկն էլ է, տենց կարելի է ասել։ Մենք բակում էինք, երբ ծնողները վազելով եկան, հարցրին՝ կարող ա՞ Տիկոյին տեսել եք։ Երեխան այդքան չեր կարող գնալ, քանի որ երկու տարեկան էլ դեռ չկա՝ հազիվ տոտիկ էր անում»,- մեզ հետ զրույցում ասաց հարևաններից մեկը։
ՀՀ Քննչական կոմիտեն հայտնել է, որ երեխայի անհետացման փաստի առթիվ նախաձեռնվել է վարույթ՝ ՀՀ քրեական օրենսգրքի 155-րդ հոդվածի 1-ին մասի հատկանիշներով, որը վերաբերում է մարդու կյանքի դեմ ուղղված հանցագործությանը։
No Comment! Be the first one.