Արցախի նախկին պետնախարար Ռուբեն Վարդանյանը, որը ձերբակալվել է ու տեղափոխվել Բաքու, կալանավորումից հետո երկու անգամ զանգահարել է ընտանիքին. այս մասին լրատվամիջոցներին հայտնել է Վարդանյանի որդին:
«Ես անձամբ հեռախոսազրույցների ժամանակ ներկա չեմ եղել: Նա զանգահարել է մորս: Կարճ զրույց էր. նա ասել է, որ ամեն ինչ կարգին է: Հասականալի է, որ որևէ այլ մանրամասնություն չի քննարակվել: Ասաց, որ կարոտում է, մենք նրան՝ նույնպես», — պատմել է որդին:
Վերջինիս խոսքով՝ հայրը խնդրել է հոգ տանել բոլոր նրանց մասին, ովքեր տուժել են այս իրավիճակից:
«Տեղեկություն չունեմ՝ արդյոք Կարմիր խաչի միջազգային կոմիետի ներկայացուցիչներն այցելե՞լ են նրան, բայց գիտեմ, որ նրանք կապվել են մորս հետ և ասել, որ ցանկանում են կապ հաստատել հորս և մյուս գերիների հետ», — հավելել է Վարդանյանի որդին:
Նա հիշեցրել է, որ ՀՀ-ն միջազգային դատարաններ է դիմել ոչ միայն Ռուբեն Վարդանյանի, այլև մյուս գերիների ազատ արձակման հարցով և հույս հայտնել, որ Հաագայում հոկտեմբերի 12-ի դատավարությունը, որում ի թիվս այլնի քննարկվելու է նաև գերիների հարցը, հաջող ավարտ կունենա:
«Իհարկե, մեր ընտանիքն իր կողմից էլ է քայլեր ձեռնարկում հորս ազատելու ուղղությամբ, սակայն այդ մասին խոսելը վաղ է», — նշել է երիտասարդը:
Վարդանյանի որդին մանրամասնել է, որ ոչ պետական կազմակերպություններն իրենց փոխանցել են կոնտակներ և ծանոթների միջոցով իրենք կարողացել են կապվել Ադրբեջանում փաստաբանի հետ, որին էլ վարձել են Արցախի նախկին պետնախարարի շահերի պաշտպանության համար:
