Օդեսան և շրջանը երեքշաբթի լույս չորեքշաբթի գիշերը ենթարկվել են ռուսական հարվածային անօդաչու թռչող սարքերի զանգվածային հարձակմանը, հաղորդում է տեղի ռազմական վարչությունը։ Տուժել է 4 մարդ, այդ թվում՝ մեկ երեխա, բոլորը հոսպիտալացվել են՝ միջին ծանրությամբ վնասվածքներով: Վնասվել են էներգետիկ ենթակառուցվածքները, ավելի քան 500 բնակելի շենք մնացել է առանց ջերմության և լույսի, Օդեսայի շրջանում տեղային վթարային անջատումներ են մտցվել, անջատման գոտում գործում են 13 մանկապարտեզ և 14 դպրոց։
Խարկովում էլ դրոնի ընկնելու պատճառով տուժել է քաղաքացիական արտադրական ձեռնարկությունը, տուժածներ չկան:
Ուկրաինայի ռազմաօդային ուժերի ընթացիկ հաշվետվության համաձայն՝ փետրվարի լույս 18-ի գիշերը ռուսական զորքերը Ուկրաինայի վրա հարձակվել են 167 հարվածային անօդաչու թռչող սարքերով և երկու «Իսկանդեր-Մ» բալիստիկ հրթիռներով՝ Սումիի ուղղությամբ։ Հաղորդագրության համաձայն՝ Ուկրաինայի հակաօդային պաշտպանության ուժերին հաջողվել է Ուկրաինայի 14 շրջանում խոցել 106 անօդաչու թռչող սարք, ևս 56-ը տեսադաշտից անհետացել են:
No Comment! Be the first one.