Նիկոլաևում պայթյունի հետևանքով զոհվել է Ականազերծման կենտրոնի երեք զինծառայող։ Ահաբեկչությունը տեղի է ունեցել քաղաքի կենտրոնում, փետրվարի 14-ին։
Այս մասին գրում է «RBC ukraina»-ն՝ հղում անելով Ականազերծման գործողությունների ուկրաինական ականազերծման ծառայության ազգային օպերատորին՝ Ականազերծման գործողությունների կենտրոնին։
«Նիկոլաևում տեղի ունեցած սարսափելի ահաբեկչությունը խլել է Վադիմի, Ելենայի և Եվգենիի կյանքը: Մեր գործընկերները Ականազերծման կենտրոնի զինծառայողներ են»,- ասվում է Ուկրաինայի ականազերծման ծառայության հաղորդագրության մեջ:
Ականազերծման գործողությունների կենտրոնը հաստատել է զինծառայողների մահը.
«Մեր սրտում խոր վշտով և ցավով հայտնում ենք Ականազերծման գործողությունների կենտրոնի երեք զինծառայողների ողբերգական մահվան մասին, ովքեր իրենց կյանքը նվիրաբերեցին՝ կատարելով իրենց մարտական պարտքը հայրենիքին: Դաժան ահաբեկչական գործողության հետևանքով Ուկրաինան կորցրեց խիզախ զինվորներ»,- նշել են կենտրոնից։
Փետրվարի 14-ին Նիկոլաևում տեղի ունեցած պայթյունի ժամանակ զոհվել են Ականազերծման գործողությունների կենտրոնի երեք զինծառայողներ՝ Վադիմ Էլիսեևը, Ելենա Կլյուչնիկովան և Եվգենի Սիրիկը։
No Comment! Be the first one.