Չինաստանի Ժողովրդական Հանրապետության կառավարությունը ՅՈՒՆԵՍԿՕ-ի հետ համատեղ հայտարարում է 2025-2026 ուսումնական տարվա «Չինական մեծ պարիսպ» կրթաթոշակների տրամադրման մասին` ՉԺՀ համալսարաններում ուսանելու և գիտահետազոտական աշխատանք կատարելու համար: Այս մասին հայտնում են ԿԳՄՍՆ-ից:
«Տարբեր ոլորտներում տրամադրվող կրթաթոշակները նախատեսված են ուսանողների և հետազոտողների համար, որոնք ցանկանում են մեկամյա բուհական կամ հետբուհական կրթություն ստանալ ՉԺՀ համալսարաններում: Դասընթացների հիմնական լեզուներն են անգլերենը կամ չինարենը։
Կրթաթոշակի վերաբերյալ մանրամասներին կարելի է ծանոթանալ կից ներկայացվող նյութերից:
Հնարավոր թեկնածուների փաստաթղթերի ամբողջական փաթեթները մինչև փետրվարի 6-ն անհրաժեշտ է ներկայացնել ՀՀ ԿԳՄՍ նախարարություն: Ոչ ամբողջական և կրթաթոշակի չափանիշներին չհամապատասխանող հայտերը չեն դիտարկվելու:
Յուրաքանչյուր երկիր կարող է ներկայացնել առավելագույնը երկու թեկնածու. հայտերը կարող են ներկայացվել միայն ՀՀ ՅՈՒՆԵՍԿՕ-ի ազգային հանձնաժողովի երաշխավորությամբ: Թեկնածուներից մեկը պետք է լինի կին։
Լրացուցիչ հարցերի դեպքում կարող եք զանգահարել ԿԳՄՍՆ արտաքին կապերի բաժին, հեռ. (+374) 10 599646»,- ասված է հաղորդագրության մեջ:
https://tema.news/2560/?fbclid=IwY2xjawH9uxpleHRuA2FlbQIxMQABHTZI9P25yOf_zwkR8k1r84yCcqr7yQyaaCtgSLCKGBsnSA-WZeMpPqQZHg_aem_Eb2kRt1NgEc-Gbiwhsb72A
No Comment! Be the first one.