Տաշքենդից օդ բարձրացած RWZ1512 մարդատար ինքնաթիռը չի կարողացել վայրէջք կատարել Կազանի միջազգային օդանավակայանում։ Սա հետեւում է Flightradar24 պորտալում տեղադրված տեղեկություններից։
Ինքնաթիռը շրջվել է ժամանման կետից մոտ 80 կիլոմետր հեռավորության վրա։
Ռոսավիացիայի ներկայացուցիչ Արտեմ Կորենյակոն հայտնել էր, որ Կազանի օդանավակայանում ժամանակավոր սահմանափակումներ են մտցվել ինքնաթիռների ժամանման և մեկնման վերաբերյալ։ Քաղաքացիական օդանավերի թռիչքների անվտանգությունն ապահովելու համար օդանավակայանի գործունեության սահմանափակումներ են մտցվել, ընդգծել է նա։
SHOT Telegram ալիքը հայտնել է, որ Ուկրաինայի զինված ուժերը Կազանի վրա հարձակվելու համար կիրառել են «Լյուտի» տեսակի անօդաչու թռչող սարք։ Տեղի բնակիչների խոսքով՝ անօդաչու թռչող սարքը թռել է քաղաքի շրջաններից մեկի վրայով առավոտյան ժամը մոտ 4։30-ին։
No Comment! Be the first one.