Փաշինյանը Արուսյակ Մանավազյանի ուղեկցությամբ եկավ ԱԺ փոխխոսնակների ընտրությանը․
Հիշեցնենք, որ այսօր՝ ժամը 18:00-ին, «Քաղաքացիական պայմանագիր» կուսակցությունում տեղի կունենա վարչության նիստ, որի ժամանակ էլ կընտրեն ԱԺ նախագահի տեղակալներ։
Ազգային Ժողովի փոնախագահի պաշտոնին հավակնում են ՔՊ փոխնախագահ, պատգամավոր Վահագն Ալեքսանյանը, ՔՊ-ական պատգամավորներ՝ Արման Եղոյանը, Արուսյակ Ջուլհակյանը և Ալխաս Ղազարյանը, ինչպես նաև ՔՊ խմբակցության ղեկավար Հայկ Կոնջորյանը:
Նշենք, որ Կոնջորյանն ԱԺ նախագահի պաշտոնում չընտրվելուց հետո հիմա էլ առաջադրվել է խորհրդարանի փոխխոսնակի պաշտոնում:
ՔՊ վարչությունը փակ, գաղտնի քվեարկությամբ կընտրի երկու փոխնախագահ:
Տեղեկացնենք նաև, որ խորհրդարանի նախագահն ունի երեք տեղակալ, որոնցից երկուսը ներկայացնում են իշխանությունը, մյուսի քվոտան ընդդիմությանն է: