Անտառային հրդեհները, որոնք ավերել են Լոս Անջելեսի ամենագեղատեսիլ թաղամասերը, շարունակում են տարածվել: Առնվազն հինգ մարդ է մահացել վերահսկողությունից դուրս եկած երեք խոշոր հրդեհի հետևանքով:
Կալիֆոռնիայում աղետը հասել է Հոլիվուդի բլուրներին, որտեղ սկսվել է տեղի բնակիչների տարհանումը։ Լոս Անջելեսի շրջանի շերիֆի խոսքով՝ հրդեհները դեռ տեղայնացված չեն, զոհերի թիվը կարող է աճել։ Իրավիճակը սրվում է ուժեղ քամու և չոր եղանակի պատճառով։
Իշխանությունները նշել են, որ Լոս Անջելեսի տարածքում շարունակում է այրվել հինգ անտառային հրդեհ, 150 հազար մարդ է ապրում տարհանման գոտում, հրկիզվել է 1000 շինություն, այդ թվում՝ հայտնի մարդկանց տները:
