Յուրաքանչյուր քաղաքացի, որի 18 տարին լրացրել է, ունի ընտրելու իրավունք։ Սա Հայաստանի Հանրապետության Սահմանադրությամբ երաշխավորված հիմնարար իրավունք է, որը հիմնված է մի քանի կարևոր սկզբունքների վրա՝ ընդհանուր, հավասար, ազատ և գաղտնի ընտրական իրավունքի։
Իրազեկ ընտրողը գիտի ոչ միայն իր պարտականությունները, այլ առաջին հերթին՝ իր իրավունքները։ Իսկ իրավունքների իմացությունն ու գաղտնի քվեարկության պաշտպանության գիտակցումը լավագույն պաշտպանությունն են ցանկացած ընտրական խախտման դեմ և ազատ ու արդար ընտրությունների կարևոր նախապայմանը։
Հայաստանի Հանրապետությունում իշխանությունը պատկանում է ժողովրդին, և ժողովուրդն իր իշխանությունն իրականացնում է ընտրությունների միջոցով։ Քվեարկությունը միայն իրավունք չէ։ Դա նաև մասնակցություն է երկրի կառավարմանը։