Ինչ նոր փաստաթղթեր է պահանջում Wildberries-ը հայ վաճառողներից

Հիշեցնենք` Wildberries հարթակը հայտնել էր Հայաստանի Հանրապետությունում արտադրված և մակնշված ապրանքների Հայաստանի սահմաններից դուրս վաճառքների աստիճանական վերականգնման մասին՝ մաքսային նոր պահանջների և փաստաթղթային գործընթացների կարգավորումից հետո։

Ավելի վաղ տեղեկացրել էինք, որ Wildberries-ն անժամկետ դադարեցրել է Հայաստանից վաճառքները։ Ներկայիս իրավիճակի հետ կապված, որը պայմանավորված է Ռուսաստանի Դաշնության տարածքում մաքսային ձևակերպման շրջանակում առանձին ապրանքների կատեգորիաների նկատմամբ վերահսկողության լրացուցիչ ընթացակարգերի կիրառմամբ, Wildberries ընկերությունը (ԻՄՎԲԱՄ ՍՊԸ) պարզաբանում էր ներկայացրել՝ նշելով, որ Հայաստանից վաճառքների սահմանափակումները պայմանավորված են Ռուսաստանի Դաշնությունում մաքսային ձևակերպման նոր պահանջներով, և գործընթացը գտնվում է կարգավորման փուլում՝ գործընկերների հետ շարունակական քննարկումների պայմաններում։