«Հանրային կապերի և տեղեկատվության կենտրոն» ՊՈԱԿ-ը հայտնում է, որ կյանքից անժամանակ հեռացել է կենտրոնի աշխատակից, բարձրակարգ թուրքագետ Գևորգ Կալլոշյանը։
Նա նաև «Արմենպրես» լրատվական գործակալության թուրքերեն լրատվության բաժնի թարգմանիչ էր։
«Գևորգը Հայաստանի օրինակելի քաղաքացիներից էր, հայրենիքի նվիրյալ, բարձրակարգ թուրքագետ և հրաշալի մարդ, ով երկար տարիներ անձնվիրաբար ծառայում էր մեր երկրին»,-նշված է ՊՈԱԿ-ի հայտարարության մեջ։
Ըստ ArmLur.am-ի աղբյուրների Գևորգ Կալոշյանըի մոտ սրտի կանգ է եղել:
Ըստ ArmLur.am-ի, Գևորգ Կալոշյանը վերջին ժամանակներում հայ-թուրքական գրեթե բոլորի հանդիպումների ժամանակ հայկական կողմի թարգանիչն է եղել: Նա նախօրեին ներկա է եղել նաև Գյումրի-Կարս երկաթգծի վերականգնման և գործարկման աշխատանքային խմբի հանդիպմանը:
Գևորգ Կալլոշյանի հոգեհանգիստը տեղի կունենա մայիսի 7-ին` ժամը 17։00-20։00-ն, «Նարեկ» հոգեհանգստի սրահում` քաղաք Աբովյան (Էդիկ Ավագյան փ. 20 հասցեով)։