Ալիևը ԵՔՀ 8-րդ գագաթնաժողովին հանդես եկավ Երևանին ուղղված աղմկահարույց հայտարարությամբ
Ե՛վ Հայաստանը, և՛ Ադրբեջանը արդեն տեսնում են խաղաղության պրակտիկ օգուտները. Իլհամ Ալիև
«Ողջույններս Բաքվից: Նախևառաջ կցանկանայի երախտիքս հայտնել նախագահ Կոշտային հրավերի համար՝ հանդես գալու ԵՔՀ 8-րդ գագաթնաժողովին: Նախագահ Կոշտայի այցելության ընթացքում Ադրբեջան, մենք քննարկեցինք մասնակցությունը գագաթնաժողովին և համաձայնեցինք, որ ես կմիանամ տեսաձայնային կապով»։
Այս մասին հայտարարել է Ադրբեջանի նախագահ Իլհամ Ալիևը՝ տեսակապի միջոցով միանալով Երևանում ընթացող ԵՔՀ 8-րդ գագաթնաժողովին:
«Թույլ տվեք շնորհակալություն հայտնել և շնորհավորել վարչապետ Փաշինյանին Հայաստանում ԵՔՀ գագաթնաժողովի անցկացման կապակցությամբ և նշել, որ չնայած բոլոր այն մարդկանց ու ջանքերի, ովքեր փորձում են խաթարել այս գործընթացը, Ադրբեջանը միտված է խաղաղության օրակարգին և իմ հայ գործընկերոջ ելույթը շատ հստակ դա ընգծեց։ Մենք ավելի քան 9 ամիս խաղաղ ապրում ենք արդեն և սովորում ենք ապրել խաղաղության մեջ: Մեզ համար և մեր գործընկերների համար խաղաղությունն արդեն իրականություն է:
Եվս մեկ ձեռքբերում խաղաղության այս օրակարգի ներքո․ դա փոխկապակցվածությունն է, Թրամփի ուղին անցնելու է Հայաստանով դեպի Նախիջևան և դառնալու է Միջին միջանցքի մի մաս: Ե՛վ Հայաստանը, և՛ Ադրբեջանը արդեն տեսնում են խաղաղության պրակտիկ օգուտները»,- ասել է Ալիևը:
No Comment! Be the first one.