Այսօր՝ օգոստոս 7-ին, խոշոր ավտովթար է տեղի ունեցել Արագածոտնի մարզում: Ժամը 17:30-ի սահմաններում Երևան-Վանաձոր ավտոճանապարհի 56 կմ հատվածում բախվել են «Ford Transit», բեռնատար «Mercedes», և կցորդիչով «Կամազ» մակնիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 2 հոգի տարբեր աստիճանի մարմնական վնասվածքներով տեղափոխվել են «Ապարան» բժշկական կենտրոն:
Վիրավորներին առաջինը օգնության են հասել քաղաքացիները և օպերատիվորեն ժամանած «Ապարան» բժշկական կենտրոնի շտապօգնության բժիշկների հերթապահ խումբը: Բախման հետևանքով «Ford Transit»-ը հայտնվել է ճանապարհի մեջտեղում, ինչի պատճառով էլ երթևեկությունը դարձել է մի փոքր դժվարանցանելի, սակայն պարեկներին հաջողվում է երթևեկությունը կարգավորել:
867 Views
