Իրանն ԱՄՆ-ին 14 կետից կազմված խաղաղության առաջարկ է ներկայացրել
MediaTime-ը գրում է.
Իրան-ը ԱՄՆ-ին փոխանցել է 14 կետից բաղկացած առաջարկ՝ ուղղված հակամարտության ամբողջական ավարտին։ Տեղեկությունը հայտնում է Tasnim գործակալությունը։
Նշվում է, որ ամերիկյան կողմը նախապես առաջարկել էր երկամսյա հրադադար, սակայն Իրանը, պատասխանելով պակիստանցի միջնորդի միջոցով, ընդգծել է՝ գործընթացը չպետք է սահմանափակվի ժամանակավոր դադարով, այլ պետք է հանգեցնի վերջնական խաղաղության։
Առաջարկում ընդգրկված են առանցքային պահանջներ՝
- ռազմական ագրեսիայից հրաժարվելու երաշխիքներ
- տարածաշրջանից ամերիկյան զորքերի դուրսբերում
- պատժամիջոցների ամբողջական վերացում
- սառեցված իրանական ակտիվների ապասառեցում
- ծովային շրջափակման դադարեցում և փոխհատուցումների հարց
Բացի այդ, Իրանը կարևորել է նաև բոլոր ճակատներում ռազմական գործողությունների դադարեցումը, ներառյալ Լիբանանը, ինչպես նաև Հորմուզի նեղուցում անվտանգության նոր մեխանիզմների ներդրումը։
Թեհրանը այժմ սպասում է Վաշինգտոնի պաշտոնական արձագանքին՝ հետագա քայլերը հստակեցնելու համար։
📎 Աղբյուր՝ Tasnim
No Comment! Be the first one.