MediaTime-ը գրում է
ՀՀ վարչապետ Նիկոլ Փաշինյան-ը հայտարարել է, որ Հայաստանի և Ադրբեջանի փոխվարչապետների փոխայցերը կարելի է գնահատել որպես պատմական քայլ՝ խաղաղության գործընթացի և դրա ինստիտուցիոնալ ձևավորման տեսանկյունից։
Անդրադառնալով հարցին, թե ինչու ադրբեջանական կողմի այցը չի հանրայնացվել, վարչապետը նշել է, որ խոսքը գաղտնիության մասին չէ, այլ անվտանգության նկատառումներով պահպանված կոնֆիդենցիալության։ Նրա խոսքով՝ նույն մոտեցումը կիրառվել է նաև հայկական կողմի Բաքու կատարած այցերի ընթացքում։
Փաշինյանը վերահաստատել է, որ Հայաստանի ռազմավարական նպատակը մնում է անփոփոխ՝ հաստատել բնականոն և բարիդրացիական հարաբերություններ Ադրբեջան-ի հետ և ամրապնդել կայուն խաղաղությունը տարածաշրջանում։
Հիշեցնենք, որ նախօրեին Աղվերան-ում տեղի է ունեցել հայ-ադրբեջանական սահմանազատման հանձնաժողովների 13-րդ հանդիպումը։ Քննարկումների ընթացքում կողմերը համաձայնեցրել և փոխանակել են սահմանազատման աշխատանքների կազմակերպման, քարտեզագրման և փաստաթղթերի ձևակերպման ուղեցույցների նախագծերը։
ՀՀ ԱԳՆ-ի փոխանցմամբ՝ հանդիպմանը անդրադարձ է կատարվել նաև բեռնափոխադրումների, նավթամթերքի մատակարարման և առևտրատնտեսական համագործակցության հարցերին։
No Comment! Be the first one.