Նախորդ տարի Մասիս քաղաքում առանձնակի դաժանությամբ բռնության դեպք է տեղի ունեցել։ NEWS.am-ը «Դատալեքս» տեղեկատվական հարթակից տեղեկանում է, որ հայրը՝ Գևորգ Խաչատրյանը իմացել է, որ դուստրը՝ Ալվարդ Խաչատրյանը սոցիալական ցանցով շփվում է դեռևս ստույգ չպարզված տղամարդու հետ ֆիզիկական ուժեղ ցավ և հոգեկան ուժեղ տառապանք պատճառելու դիտավորությամբ՝ բռնություն է գործադրել նրա նկատմամբ՝ ջեռուցման համակարգի ճկախողովակի գործադրմամբ բազմաթիվ անգամ հարվածներ է հասցրել դստեր ձեռքերին, ոտքերին և մարմնի այլ հատվածներին։
Հայրը կարծում է, թե դուստրն այդպիսով անպարկեշտ վարքագիծ է դրսևորել։ Նա աղջկան առողջությանը պատճառելով՝ աջ բազկի, ձախ բազկի, ձախնախաբազկի, աջ ազդրի, ձախ ազդրի, ձախ սրունքի մեկական, աջ ուսահոդի, աջ նախաբազկի, ձախ ծնկահոդի, աջ սրունքի շրջանների թվով երկուական արյունազեղումների, ձախ բազկի, ճակատի ձախ կեսի շրջանների մեկական, ձախ սրունքի շրջանի թվով 2 հատ, աջ սրունքի շրջանի թվով 3 հատ քերծվածքների ձևով մարմնական վնասվածքներ:
Բռնության դեպքն այսքանով չի ավարտվել, մի քանի օր անց հայրն այս անգամ արդեն առանձին դաժանությամբ ֆիզիկական ուժեղ ցավ և հոգեկան ուժեղ տառապանք պատճառելու դիտավորությամբ՝ բռնություն է գործադրել նրա նկատմամբ։ Նա դստեր ձեռքերն էլեկտրալարերով կապել է, իսկ ոտնաթաթի առաջին մատերից կապել է հաղորդալարեր և նշված հաղորդալարերի մյուս ծայրերը միացրել է էլեկտրական մարտկոցին և մոտ մեկ ժամ նշված մարտկոցից դստերը պարբերաբար հոսանքահարել է հոսանքի մալուխներով։
Գործն այժմ դատարանում է, հայրը զարմանալիորեն տնային կալանքի տակ է։ Նրա նկատմամբ հանրային քրեական հետապնդում է հարուցել ՀՀ ՔՕ 196-րդ հոդվածի հատկանիշներով։
No Comment! Be the first one.