Ավելի վաղ հայտնել էինք, որ դեկտեմբերի 29-ին՝ ժամը 8-ի սահմաններում, Արտաշատ-Երևան ավտոճանապարհին՝ Մարմարաշեն գյուղի մոտակայքում տեղի է ունեցել շղթայական ավտովթար, որի հետևանքով զոհ և տուժածներ կան։
Ըստ փրկարար ծառայության տրամադրած թարմացված տեղեկատվության՝ նշված հատվածում բախվել են մոտ 50 ավտոմեքենաներ, ինչի հետևանքով վնասվել է մոտակայքով անցնող գազատար խողովակը, եղել է արտահոսք։
Տուժածներ Ն. Ս.-ն (ծնված 2004 թ․), Վ. Ս.-ն (ծնված 2004 թ․), Ս. Զ.-ն (ծնված 2006 թ․), Ա. Մ.-ն (ծնված 1994 թ․) և Ն. Ե.-ն (ծնված 2006 թ․) հոսպիտալացվել են բժշկական կենտրոն:
Փրկարարները հոսանքազրկել են մոտ 20 ավտոմեքենա, փակել գազի բալոնների փականները, իրականացրել ճանապարհահատվածի լվացման աշխատանքներ։
Գազի վթարային ծառայության աշխատակիցների կողմից արտահոսքը դադարեցվել է:
