Շղթшյական ավտովթшր ու մшհվшն ելքով վրшերթ՝ Արարատի մարզում․ բшխվել են 100-ից ավելի ավտոմեքենաներ․ shamshyan.com
Այսօր՝ դեկտեմբերի 29-ին, ճանապարհի մերկասառույցի և մառախուղի պատճառով շղթայական ավտովթարներ և մահվան ելքով վրաերթ է տեղի ունեցել Արարատի մարզում։ Ժամը 08։00-ի սահմաններում Երևան-Երասխ ավտոճանապարհի Մասիս-Մարմարաշեն մոտ 2-3 կմ-անոց հատվածում բախվել են 100-ից ավելի տրանսպորտային միջոցներ։
Ինչպես դեպքի վայրից հայտնում է ֆոտոլրագրող Գագիկ Շամշյանը, տեղում պարզվել է նաև, որ 1 հոգի վրաերթի է ենթարկվել այդ հատվածում, ով տեղում մահացել է։ Կա 2 վիրավոր։
Մահվան ելքով վրաերթի փաստով Մասիսի քննչական բաժնում նախաձեռնվել է քրեական վարույթ, իսկ շղթայական ավտովթարների փաստով ՊԾ Արարատի մարզի գումարտակում փաստաթղթեր են ձևակերպվում, որտեղ էլ պարզվում են վարորդների ինքնությունը։
Մասիսի քննչական բաժնում էլ պարզվում են մահացածի, վրաերթ կատարած վարորդի ինքնությունը և ինչ մակնիշի ավտոմեքենայով է տեղի ունեցել վրաերթը։
Ֆոտոլրագրողը հայտնում է, որ ճանապարհին մառախուղ ու մերկասառույց են եղել, իսկ ճանապարհն սպասարկող ճանշինից ոչ ոք չկա։
© ORAGIR.NEWS https://oragir.news/hy/material/2024/12/29/140512?fbclid=IwZXh0bgNhZW0CMTEAAR3s7u9PdWpkW9DXRd6qiLHWDQN9An15EyNWYwG8UIueJflpSA4luPtl14E_aem_KBWJvcECVw1TQOWLjpCKTw
No Comment! Be the first one.