Խոշոր ավտովթար է տեղի ունեցել Լոռու մարզում

Երեկ՝ հունի 17-ին, ավտովթար է տեղի ունեցել Լոռու մարզում։ Ժամը 17:30-ի սահմաններում Լոռու մարզի բնակիչ 55-ամյա Խաչիկ Ա.-ն իր վարած «Volkswagen Golf» մակնիշի ավտոմեքենայով Ստեփանավան-Տաշիր ավտոճանապարհի 3.5 կմ հատվածում դուրս է եկել ճանապարհի երթևեկելի գոտուց, բախվել ճանապարհի ձախակողմյան հատվածում գտնվող ծառին և հայտնվել դաշտում։

Ինչպես հայտնում է ֆոտոլրագրող Գագիկ Շամշյանը, վթարի հետևանքով Խաչիկ Ա.-ն և ուղևոր, Լոռու մարզի բնակիչ 54-ամյա Դերենիկ Մ.-ն մարմնական վնասվածքներով տեղափոխվել են «Ստեփանավան» բժշկական կենտրոն։ Վիրավորները հիվանդանոց են տեղափոխվել պարեկների ծառայողական ավտոմեքենաներով։ Վթարի փաստով Ստեփանավանի քննչական բաժնում նախաձեռնվել է քրեական վարույթ։