Չգիտեմ՝ բիպոլյար շեղում ունի, թե ինչ». Ալեն Սիմոնյանի սկանդալային խոսքը Հովհաննես Ազոյանի մասին

Tete A Tete-ի նոր թողարկման հյուրն էր Ալեն Սիմոնյանը։ Դեռ մինչ հաղորդման հեռարձակումը միայն այն լուրը, որ թողարկումը լինելու է նրա մասնակցությամբ, արդեն մեծ քննարկումների առիթ էր դարձել սոցիալական ցանցերում։ Այսօր, երբ հաղորդումն արդեն եթեր հեռարձակվեց, ուշադրության կենտրոնում հայտնվեց նաև նրա խոսքը դերասան Հովհաննես Ազոյանի մասին։

Հաղորդման ընթացքում հաղորդավարՄհեր Բաղդասարյանը հիշեցրեց, որ երբ Ազոյանը եղել է իր հյուրերից, ասել էր. «Երբ իմ ընկերները դառնում են իշխանություն, ավտոմատ դառնում են նաև ոչ իմ ընկերները»։

Այնուհետև Մհերը հարց ուղղեց Սիմոնյանին․ ինչպիսի՞ն են այսօր իր հարաբերությունները Հովհաննես Ազոյանի հետ և փորձե՞լ է արդյոք հասկանալ, թե ինչ է կատարվում դերասանի կյանքում։

Սիմոնյանը պատասխանեց. «Հովհաննեսը իմ ընկերն է, ես ունեմ իր հետ լավ հարաբերություններ, հիմա չգիտեմ իր մոտ բիպոլյարնի շեղում է թե ինչ»։Հաղորդավարը նկատեց, որ նման ձևակերպումը ծիծաղելի է հնչում, ինչին ի պատասխան Սիմոնյանը շարունակեց․ «Շատ իրեն սիրում եմ, իրենից չեմ նեղանում։ Շատ քիչ մարդ կա իմ կյանքում, ումից չեմ նեղանում, որովհետև Հովոն է դա։ Միշտ պատրաստ եմ իր կողքը լինել… Հովոյին ոչ ոք իմ մոտ բան չի կարող ասել»։

Հաղորդման ընթացքում նաև զանգահարեցին հենց Հովհաննես Ազոյանին։ Դերասանը հետևորդներին մաղթեց համբերություն և նշեց, որ ինքը քաղաքացի է, իսկ Սիմոնյանը՝ քաղաքական գործիչ, հետևաբար իրենց ընկերությունը չպետք է օգտագործվի ո՛չ իր, ո՛չ Սիմոնյանի օգտին, այլ երկրի։

Հովահաննես Ազոյանի խոսքում նկատվում էր սառնություն, ինչը ապացուցում էր նրանց հարաբերությունների սառը լինելու մասին։

https://www.facebook.com/share/p/1AuRZiL2F5/