Արտակարգ դեպք՝ Երևանում. 1,5 տարեկան տղան 3-րդ հարկի պատուհանից անզգուշաբար վայր է ընկել

Այսօր՝ ապրիլի 15-ին, արտակարգ դեպք է տեղի ունեցել Երևանում: Ժամը 09:45-ի սահմաններում անհայտ անձի կողմից Երևանի «Մուրացան» մանկական հիվանդանոց է տեղափոխվել մի երեխա:Ինչպես հայտնում է ֆոտոլրագրող Գագիկ Շամշյանը, երեխան գտնվում է ծանր վիճակում, բժիշկները տեղում առաջին անհրաժեշտ բուժօգնությունն են ցուցաբերել, ապա «Մուրացան» մանկական հիվանդանոցից ռեանիմոբիլով երեխային տեղափոխել են «Սուրբ Աստվածամայր» բժշկական կենտրոն:  Հիվանդանոց է ժամանել ՀՀ Ներքին գործերի նախարարության ոստիկանության Կենտրոնական բաժնի պետ երվանդ Նիկոյանը:Ոստիկանները պարզել են, որ երեխան 1,5 տարեկան է և տղա:

Պարզել են նաև, որ նա հիվանդանոց է տեղափոխվել Ալեք Մանուկյան փողոցից:Արդեն Ե. Նիկոյանի և ոստիկանության Մարաշի բաժանմունքի պետ Մառլեն Հակոբյանի գլխավորությամբ ոստիկանները պարզել են դեպքի վայրը, որտեղ հայտնաբերել են արնանման հետքեր:

Ըստ նախնական տեղեկությունների՝ երեխան երրորդ հարկի իրենց տան պատուհանից անզգուշաբար վայր է ընկել 2-րդ հարկի հարևանի տան «կազիրյոկի» վրա, որտեղից էլ ընկել է գետնին:Դեպքի փաստով ոստիկանության Կենտրոնական բաժնում  փաստաթղթեր են ձևակերպվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժին:Ոստիկանությունը պարզում է երեխայի ինքնությունը:

https://shamshyan.com/hy/article/2024/04/15/1259641

1 136 Views
Կիսվիր ընկերների հետ
Ավելացնել մեկնաբանություն