Հայաստանում նկատելի է սեզոնային վիրուսների ակտիվացում: Այդ մասին ասված է առողջապահության նախարար Անահիտ Ավանեսյանի Ֆեյսբուքի էջում:
«Շրջանառվում են գրիպ A(H3N2) տիպի վիրուսները. ախտանշաններն են՝
բարձր ջերմություն (39-40 C), հազ, քթահոսություն, մկանահոդացավ:
Շրջանառվում են նաև ռինո-, բոկա-, ադենովիրուսներ և պարագրիպի հարուցիչները։
Սուր շնչառական վարակների սեզոնին ԿԳՄՍ-ի հետ համատեղ նախադպրոցական ու դպրոցական հաստատություններում ներդրվել է «համաճարակային ֆիլտր», որի սահմանաչափը գերազանցելու դեպքում ուսուցումը անցնում է հեռավար ձևաչափի։
Գրիպի լավագույն կանխարգելումը պատվաստումն է, որը
նվազեցնում է հիվանդանալու հավանականությունը.
թեթևացնում է հիվանդության ընթացքն ու բարդությունները։
Պատվաստվեք այսօր՝ պաշտպանելով ձեզ և շրջապատին»,- նշված է գրառման մեջ:
https://www.facebook.com/Imoryim/posts/pfbid02oGXjqvg29W9WeEFEMvA3xDJFNo8XocQZrrFhmgwLGSiSVHGXov5nYDT2q8LMFnUol
No Comment! Be the first one.