Հանրակրթական համակարգում նոր կարգավորում․ ի՞նչ փոփոխություններ են նախատեսվում ատեստավորման, փոխադրման և ավարտական գործընթացներում

Իրավական ակտերի նախագծերի հրապարակման e-draft.am կայքում հրապարակված «Հայաստանի Հանրապետության կրթության և գիտության նախարարի 2012 թվականի մայիսի 3-ի N 388-Ն հրամանում փոփոխություն կատարելու մասին» ԿԳՄՍ նախարարի հրամանի նախագիծը, որը նախատեսում է հանրակրթական ուսումնական հաստատություններում գնահատման, փոխադրման, ավարտման և պետական ամփոփիչ ատեստավորման նոր կարգավորումների ներդրում։Ի՞նչ հիմնական փոփոխություններ են առաջարկվում

Նոր խմբագրությամբ ամփոփիչ ստուգման, ատեստավորման և փոխադրման կարգ

Նախագիծը ամբողջությամբ նորացնում է N 388-Ն հրամանի հավելվածը՝ սահմանելով ուսման ընթացքում գնահատման, կիսամյակային և տարեկան ամփոփիչ գնահատումների, ինչպես նաև դասարաններում փոխադրման և ավարտման վերանայված կանոններ։

Պետական նոր չափորոշչի ներդրման կապակցությամբ՝ կարգի համահունչեցում

Կարգը բերվում է համապատասխանության ԿԳՄՍ նախարարության 2023 թվականի N 101-Ն հրամանով հաստատված ճանապարհային քարտեզին։Ուսումնական առաջընթացի, փոխադրման և ավարտման նոր մոտեցումներ

Գնահատման նոր չափանիշներ (2025-2026 ուս․տարի)

5-11-րդ դասարաններ – հաջորդ դասարան են փոխադրվում սովորողները, որոնք բոլոր առարկաներից ստացել են 4-10 միավոր (10-միավորային սանդղակ):

9-րդ դասարան – ավարտական քննությունները պետք է գնահատվեն 8-20 միավորով (20-միավորային սանդղակ):

12-րդ դասարան – երկու սանդղակներով ստացված նույն շեմային արդյունքների դեպքում սովորողը ստանում է միջնակարգ կրթության ատեստատ։Բնութագրային գնահատում

1-4-րդ դասարաններ՝ ամբողջությամբ բնութագրային գնահատում։

5-րդ դասարան՝ առաջին կիսամյակում Տավուշի մարզում՝ բացառություն, իսկ 2026-2027 թվականից՝ բնութագրումը տարածվում է ամբողջ հանրապետությամբ 5-րդ դասարանի առաջին կիսամյակում։

Վերաքննությունների կարգը

Տարեկան 1-3 միավոր ստացած սովորողները հանձնում են վերաքննություն հուլիսի 2-8 կամ օգոստոսի 20-25-ին։

Վերաքննություններին չներկայանալու կամ կրկին երկու առարկայից 1-3 միավոր ստանալու դեպքում չեն փոխադրվում հաջորդ դասարան (12-րդ դասարանում՝ չեն ավարտում դպրոցը)։Հատուկ պայմանների կարիք ունեցող սովորողներ

Ինտելեկտի խնդիրներով սովորողների փոխադրումը կատարվում է անհատական ուսուցման պլանով, անկախ գնահատականներից։

Գերազանցության նշումով ավարտական փաստաթուղթ

Սահմանվում են դեպքեր, երբ չգնահատված առարկաների առկայությունն այլևս չի խոչընդոտում «Գերազանցության» նշումով փաստաթուղթ ստանալուն (օրինակ՝ առողջական պատճառներ, արտերկրում ուսումնառություն, մասնագետի բացակայություն)։

Պետական ամփոփիչ ատեստավորում

4-րդ դասարանԱտեստավորումը իրականացվում է ինքնաշխատ եղանակով, ավելացված է երկարօրյա խմբում ընդգրկվելու կարգը՝ ցածր առաջադիմության դեպքում։

9-րդ և 12-րդ դասարաններ

Սահմանվում է պետական ամփոփիչ ատեստավորման նոր կառուցվածք՝ ըստ պետական չափորոշչի պահանջների։

2025-2026-ից Տավուշի մարզում, իսկ 2026-2027-ից՝ ամբողջ հանրապետությունում, 12-րդ դասարանների քննությունները համապատասխանելու են նոր չափորոշչին։Քննությունների կառուցվածք

9-րդ դասարան՝

«Հայոց լեզու»՝ գրավոր թեստ

«Գրականություն» և «Հայաստանի պատմություն»՝ էսսե

«Մաթեմատիկա»՝ թեստ

«Օտար լեզու»՝ բանավոր

«Բնագիտություն»՝ գրավոր կամ նախագծային աշխատանքի հիման վրա

«Ֆիզկուլտուրա»՝ ստուգարք

12-րդ դասարան՝

Քննությունները կլինեն նոր չափորոշչի բովանդակությամբ։

Ինտելեկտի խնդիրներով սովորողները կարող են չմասնակցել պետական ատեստավորմանը՝ ստանալով ավարտական փաստաթուղթ՝ առանց քննական գնահատականների։

Ի՞նչ սոցիալական և կրթական նպատակ ունի փոփոխությունըՆախագիծը նպատակ ունի․

ապահովել գնահատման, փոխադրման և ավարտման միասնական, հստակ և կանխատեսելի կարգ,