Ըստ նույն աղբյուրի, 8-ամյա երեխայի տատիկը ձերբակալվել է նրան ֆիզիկական ցավ եւ հոգեկան ուժեղ տառապանք պատճառելու հիմնավոր կասկածով ու տեղափոխվել Ոստիկանության կենտրոնականի բաժին: Ավելի ուշ ազատ են արձակել: Aravot.am-ը կապ է հաստատել երեխայի հոր՝ Տ. Վ-ի հետ: Նա հաստատել է տեղեկության իսկությունը, ասել, որ շուրջ 2 տարի է՝ ամուսնալուծված է, երեխաները մոր մոտ են եւ նրանց տեսակցում է ըստ կարգի սահմանված օրերով:

Հայրը նշել է, որ ոչ միշտ է կարողանում տեսնել երեխաներին, քանի որ տեսակցությունները հաճախ չեղարկվում են. երեխայի մայրն ու տատիկը թույլ չեն տալիս առանց պատճառի հանդիպել, կամ երեխաներին համոզում են, որ հորն ասեն, թե չեն ցանկանում նրան տեսնել: Տ. Վ.-ն պատմել է նաեւ, որ հերթական տեսակցության ժամանակ որդին խնդրել է իր վրա տեսախցիկ տեղադրել, որպեսզի հայրը տեսնի, թե ինչպես են իր հետ վարվում.

«Ասում էր՝ պապա վրաս կամերա դիր, տես՝ ինձ հետ ոնց են վարվում… Ասում էր՝ տատիկը սկոտչով բերանս կապել էր, հրել բազմոցի վրա, մի ձեռքով ինձ էր պահում, մյուս ձեռքով էլ բերանս էր սկոտչում: Հետո ինձ հրելով տարավ սենյակում փակեց… Երեխան ասում է՝ էնքան լավ էր, որ ձեռքերս ազատ էին, մատս մտցրի, բերանս բացեցի, որ կարողանամ շնչել, քանի որ օդը չէր հերիքում… Երեխան պատմում է, թե ոնց են պատժելու համար տատիկը եւ մայրը իրեն եւ 5 տարեկան աղջկաս քաշքշելով հանել դուրս, դուռը վրաները փակել»:

Առավել մանրամասն՝ սկզբնաղբյուր կայքում։

https://freenews.am/post/3c214d4ddc343f45061fe6c5890cf3ba?fbclid=IwAR0jaALYY-NbPMGuvzFzoNwiwWZ8ne5QxVxCaoTaD7kIxs-OrStAJvWeRho