Հաջորդ տարի հայտարարատու է դառնալու ևս 500 հազար քաղաքացի, այդ թվում թոշակառուները. Այս մասին ԱԺ նիստում ասաց ՔՊ-ական պատգամավոր Բաբկեն Թունյանը:
«Հայտարարագրի հետ կապված՝ մի բանի մասին եմ ուզում տեղեկացնել: Ինչպես խոստացել էինք, մինչև տարեվերջ պիտի հայտարարագրման համակարգի բարելավմանը վերաբերող փաթեթ ներկայացնենք, որպեսզի մարդկանց կյանքն ավելի հեշտացնենք՝ հաշվի առնելով, որ հաջորդ տարի հայտարարատու են դառնալու ևս 500 հազար քաղաքացիներ: Հատկապես խոսքս վերաբերում է թոշակառուներին»,- ասաց նա:
Թունյանը նշեց, որ այդ հանգամանքը հաշվի առնելով՝ պետք է լուծում առաջարկեն, որ իրենց համար բարդություններ չլինեն: «Իմ կարծիքով՝ այդ լուծումն ընդունելի կլինի բոլորի կողմից»,- հայտարարեց պատգամավորը:
https://socialmedia.am/107331.html?fbclid=IwY2xjawMxFLhleHRuA2FlbQIxMQABHl0Bl-Xjtia9DBGCMchgJCKiRinGqo1Kzg24fV3wi3_xPXeMnflLwUrZDQE5_aem_8steehrdRdZb8DCnZLNJZw
