Լոպեսն իր հետ տարել է «ՆարեկաԾին»-ի 19-րդ դшրի Վանի կուժը, որը չի եղել հաստшտված նվերների ցшնկում
https://youtu.be/HNyKyFQN2_g
«ՆարեկաԾին» զարդերի բրենդը ֆեյսբուքյան էջում պատմել է, թե ինչպես է ներկայացվել հայկական մշակույթը համաշխարհային աստեղ Ջենիֆեր Լոպեսին՝ գրառումը վերնագրելով «Մի ԿՈՒԺԻ պատմություն կամ ինչպես ՋԵՆԻՖԵՐ ԼՈՊԵՍԸ «տարավ» «ՆարեկաԾին»-ի կուժը…».
«Օրեր առաջ համագործակցության առաջարկ ստացանք seven_visions_resort-ից (շնորհիվ մեր լավ բարեկամներ Մարիամ Մարտիրոսյանի և Մելանյա Բաբայանի), որի շրջանակում նախատեսվում էր երգչուհուն հենց իր սենյակում նվիրել իրական հայկական զարդեր՝ հնամենի երկրի մշակույթը ՃԻՇՏ ներկայացնելու համար:
Մեր թիմը շատ արագ արձագանքեց առաջարկին և հաշված ժամերի ընթացքում վարպետ Մհերը պատրաստեց Վան-Վասպուրականի շրջանի ԱԶԳԱՅԻՆ վզնոցն ու օղերը՝ համեմված Սյունիքի (Զանգեզուր) նուշերով:
Գիշերը՝ մինչ հյուրերի ժամանումը, սենյակում դրվեցին Թուֆենկյան ընկերության կողմից նվիրված գորգը և, ՈՒՇԱԴՐՈՒԹՅՈՒՆ, զարդի ճիշտ ու գեղագիտական ներկայացման համար ընտրված 19-րդ դարի Վանի կուժը (այն ի սկզբանե չկար հաստատված նվերների ցանկում):
Իհարկե, երգչուհին շատ սիրեց ու գնահատեց նվերները, բայց նրա մեկնումից ժամեր անց պարզ դարձավ նաև, որ իր հետ տարել է ոչ միայն զարդերն ու գորգը, այլ նաև մեր ընտանիքի անբաժան մասնիկ ԿՈՒԺԸ…
Հ.Գ. Սենյակի որոշ նկարներ վերցված են Կամո բլոգ-ից»։
