Գվատեմալայում երեքշաբթի օրը տեղի ունեցած մի շարք երկրաշարժերի հետևանքով զոհվել է առնվազն երկու մարդ, հաղորդում է Prensa Libre թերթը։
«Երկու մարդ մահացել է Էսկուինտլա դեպարտամենտի Պալին քաղաքից Սանտա Մարիա դե Խեսուս ուղղությամբ տանող մայրուղու 47-րդ կիլոմետրում։ Մեծ քար է ընկել այն մեքենայի վրա, որով նրանք երթևեկում էին», – ասվում է հրապարակման մեջ։
Զոհերն էին 53-ամյա Թեոդորո Չիլը և 20-ամյա Ֆրեդերիկ Չիլը: Լրատվամիջոցների հաղորդագրությունների համաձայն՝ նրանք կահույք էին վաճառում և գնում էին աշխատանքի:
